【Emily】八成飼主話寵物來港隔離過嚴 議員倡推測試放寬

【明報專訊】寵物進出香港要獲當局許可，由內地來港嘅寵物仲要隔離檢疫。香港青年學生動力9月做嘅問卷調查發現，超過八成寵物主人認為寵物隔離要求過嚴，超過九成話檢疫輪候時間太長。選委界立法會議員吳傑莊建議政府優化現有規定，加快推行狂犬病中和抗體滴度測試，通過測試嘅寵物可縮短或免除隔離。

內地來港檢疫4月 輪一年

現時進口動物來源地分3種，而內地屬於第三組國家，由該地來港嘅寵物要接受4個月隔離檢疫，輪候超過一年。香港青年學生動力訪問咗1008個市民，當中686人係寵物主人，近六成嘅寵物主人過去一年經常到訪大灣區城市，佢哋大部分都同意「縮短」甚至「免卻」寵物由第三組國家或地區來港嘅隔離檢疫。

吳傑莊就話，日本、韓國同台灣等都已實施配備狂犬病抗體滴度測試嘅寵物檢疫措施，來自內地嘅寵物只要符合入境要求即可免除隔離檢疫。佢呼籲政府加快推行狂犬病中和抗體滴度測試，同研究寵物居家隔離。