【Emily】國際中小企創業賽港三甲 將力爭進駐內地園區

【明報專訊】近年本港積極推廣創科產業，由內地工信部打造嘅公共服務平台「創客中國」，噚日聯同本港數字辦等喺數碼港舉辦「國際中小企業創新創業大賽」香港分站賽，有逾150個項目參賽，涉及290多項專利，並促成近60個意向融資對接洽談。

數碼港行政總裁鄭松岩相信，本港初創企業可透過該平台與內地市場接軌，開拓發展機遇。

今次分站賽冠軍由「可可西里科技」奪得，公司採用集成光子晶片技術，代替傳統電子進行資訊傳輸和處理，特點係高速率、大頻寬、低延遲和低能耗，可用於人工智能、5G/6G、自動駕駛等。

亞軍係研發電子束輻照技術、推動食品和醫療器械消毒滅菌等應用嘅「香港漢速科技」。季軍係應用「條碼」細胞感測器AST微流控平台，推進抗生素耐藥性細菌研究嘅「MicroFlow Innovation」。三甲將代表本港參加11月嘅全球總決賽，爭取進駐內地創業園區及參與數碼港培育計劃等機會。