【Emily】陳茂波訪西班牙科企 晤貿易大臣講港經濟

【明報專訊】正在歐洲訪問嘅財政司長陳茂波由西班牙馬德里轉到英國倫敦，離開西班牙前，財爺同貿發局主席林建岳和總裁方舜文，喺當地時間周二（24日）一齊見西班牙貿易國務大臣Amparo López Senovilla，講述香港最新經濟發展情况及交流。

今次訪問團以創科為重點，噚日一行人先後到訪西班牙嘅初創加速器IMPACT同電訊企業Telefónica。IMPACT由西班牙著名數字商學院ISDI參與創立，協助歐洲內外初創企業建立網絡，並提供資金支持、指導和培訓；到Telefónica主要了解該公司5G電訊、物聯網、第三代互聯網等發展策略，同埋培育及投資創科企業嘅經驗。

訪問團亦出席咗西班牙IESE商學院安排嘅交流會，同團嘅初創企業跟10多名西班牙初創企業家、風投基金、投資者、企業代表等見面，介紹香港優勢。

林定國去越南 拓法律合作

至於律政司長林定國，就去咗越南胡志明市訪問，拜會越南中國商會胡志明市分會，亦同越南國際仲裁中心及胡志明市律師協會代表會面，探索合作機會。