【Emily】聾福會活動教國慶相關手語

【明報專訊】香港聾人福利促進會噚日喺大圍圍方舉辦「香港手語日2024」，設有手語遊戲、互動體驗同展覽等活動，現場除咗介紹香港手語歷史，亦放置咗同國家有關嘅手語展板，仲有手語老師透過遊戲教市民有關國慶等嘅手語，例如「中國香港」、「75周年」、「熊貓」等，響應75周年國慶。

公務員事務局長楊何蓓茵喺活動開幕禮致辭時話，當局積極統籌「公務員義工服務賀國慶」活動，今個月至11月期間，由75隊來自唔同決策局同部門嘅義工隊，動員約4500個義工舉辦同參與賀國慶嘅義工服務，包括節慶活動、參觀活動、探訪、興趣班同手工藝製作等，預計約有3.4萬名服務對象受惠。佢話希望透過義工服務同市民分享國慶喜悅，培養社會大眾嘅愛國情懷，為有需要嘅人送上關懷。