【Emily】駐京辦國慶攝影繪畫賽頒獎

【明報專訊】港府駐京辦噚日招呼200幾個喺北京嘅港人及港企代表聚會，一齊參與「與國同心 共慶七五華誕」75周年國慶活動，仲舉行咗國慶主題攝影及繪畫比賽嘅頒獎。呢個比賽喺今年7月至8月舉辦，吸引到華北地區生活嘅港人港青投稿。駐京辦話獲獎作品展現出香港同祖國緊密相連、和諧共融嘅一面，得到評審一致好評。活動尾聲，著名男高音莫華倫仲喺現場表演，同港青合唱《我和我的祖國》。左圖係攝影比賽學生組優異獎作品，迷霧中嘅維港可見中式帆船「鴨靈號」；右圖為繪畫比賽公開組優異獎得主吳英倫（左）領獎。