2024/25年度新馬季今日（8日）喺沙田馬場開鑼，全日共有10場賽事。雖然間唔中有落雨，但都無阻一眾「馬迷」入場，Emily去到，見到場內人山人海，氣氛熱烈。特首李家超到場主持開鑼儀式，佢敲響銅鑼，又為醒獅點睛，之後仲為「香港特區行政長官盃」獲勝者頒獎。
李家超喺Facebook話，馬季開鑼日係香港嘅焦點盛事之一，吸引咗好多香港市民同訪港旅客。他提到，香港未來幾個月仲有多項盛事，涵蓋體育、藝術、經濟等多個範疇，又話政府會繼續推動「無處不旅遊」，吸引來自世界各地嘅旅客來港消費，期待透過呢啲活動提升香港國際地位同形象，畀更多人感受到香港嘅魅力同熱情。
