【Emily】美國人撰書寫功夫 梁美芬：說好中國故事

【明報專訊】曾撰寫《朱鎔基傳：朱鎔基與現代中國的轉型》嘅美國人龍安志（Laurence J. Brahm）出版新書《九龍門：尋找功夫》，主要講佢接觸功夫嘅過程同領悟，新書噚日舉行發布會兼紀錄片全球首映，邀請咗認識多年、同有法律背景嘅立法會議員梁美芬等出席。

龍安志1980年代到內地做交換生，之後到香港讀法律，其後開投資公司，曾參與香港美國商會代表團訪華等，對中國文化相當熱中。新書第一部分講佢從少年開始學功夫嘅歷程，同埋點樣通過功夫增進對世界及自我了解；第二部分就介紹佢由拳入道嘅感悟。

梁美芬話龍安志係老朋友，30多年前對方就叫佢「一定要從政」，見到佢出新書都好高興，仲讚對方加入「說好中國故事」嘅隊伍𠻹！