【Emily】駐軍第27次輪換完成

【明報專訊】解放軍駐港部隊噚日完成咗第27次輪換，解放軍駐港部隊新聞發言人孫玉剛話，今次輪換出港嘅官兵完成咗以履行防務為中心嘅各項任務，而輪換進港嘅官兵就喺進駐前已接受紮實訓練同認真學習，具備履行香港防務嘅能力素質。

參加輪換嘅駐港部隊陸軍部隊，以梯隊編成、摩托化機動嘅方式，由深圳駐地出發，經深圳皇崗口岸同落馬洲口岸前往港內軍營，並舉行防務交接儀式，而駐港海軍同空軍部隊亦完成咗輪換。

輪換進港嘅官兵話，會堅決聽從黨中央、中央軍委同習近平主席嘅指揮，加強部隊全面建設，堅決貫徹「一國兩制」方針，嚴格遵守香港特區《基本法》、《駐軍法》，不斷提高履行使命嘅能力，為維護國家安全同香港長期繁榮穩定，為推進一國兩制實踐喺香港行穩致遠作出更大貢獻，以優異成績迎接新中國成立75周年。