【Emily】羅湖站提前開工裝月台閘門

【明報專訊】港鐵現時喺東鐵線做緊加裝月台閘門工程，港鐵話羅湖站已喺前晚開工（圖），較原定計劃今年第四季早咗。港鐵話羅湖、旺角東及大學站嘅月台弧度較大，係東鐵線最後一批裝閘門嘅車站。

目前東鐵線7個站嘅自動月台閘門已經用緊，除咗羅湖，火炭、太和、九龍塘站亦係仲未完工。港鐵話團隊會把握晚間收車後嘅「黃金兩小時」，同埋喺部分有備用月台嘅車站，利用日間非繁忙時段繼續推進安裝工程。工程期間，港鐵會派月台助理維持秩序及協助乘客，呼籲乘客切勿站近月台邊緣或擅闖路軌。