【Emily】70歲生日 CY話報效祖國續拼搏

【明報專訊】全國政協副主席、前特首梁振英（CY）噚日70歲生日，佢喺facebook話近年有八成時間身處內地與國外，集中做公益工作，但人到七十，不諱言「今天的身體肯定比明天好」，但話要報效祖國，「為了我們的國家民族明天比今天好，我們要用今天比明天好的身體，繼續拼搏！」

CY憶述過去貢獻國家嘅歷程，自言去過內地30個省份、直轄市、自治區，畢業後到內地為改革開放「傳經送寶」，曾經喺羅湖出入境時被港英政治部人員「注意」，又為內地首次賣地起草中英文標書。

踏入古稀之年，CY話卸任特首後分別有四成時間身處內地同國外，為國家工作，同唔少朋友久違未見。講到生日嘅意義，佢就話不忘母親生育嘅痛楚，同埋感激父母養育之恩，至於佢講嘅生命意義就好宏大，「我們每個人進步，我們的國家就會進步；人類社會-同理」。