公開批林家謙廢青遭圍插 周啟生稱有權發聲 歡迎「開拖」

【明報專訊】資深音樂人周啟生不時在網上評論後輩歌手，楊千嬅、梁詠琪、陳蕾與MIRROR成員曾被他狠批，有網民嘲他蹭熱度。日前周啟生在社交平台上載一張合成照，留言：「大家選一男一女，你最唔要聽到佢唱歌嘅歌手！」網民留言列出心目中唔唱得的歌手名字，有人點名林家謙，周啟生回覆：「嗰條廢青我都麻麻哋鍾意！」網民認為林家謙可以回去做幕後，周啟生留言：「又唔見佢幕後有咩條件！」

周啟生公開稱林家謙是廢青引來網民異議，有留言反擊：「其實身為樂壇前輩，你唔識得欣賞林家謙唔緊要，但話人係廢青，你自己其實都係一條廢老，活係自己嘅框框，以為自己係最叻，唔知道世界在改變，有新事物嘅出現……廢青喺紅館開過7場演唱會，你呢？」周啟生爆粗斥林家謙的粉絲是盲迷。

周有評謝霆鋒

留言中亦有人提到謝霆鋒，周啟生說︰「姓謝呢個最大問題就係唱乜嘢字都變成咗CH，SH……切切赤赤。」有網民稱「其實0檬（指謝霆鋒）真係乜嘢都半桶水」，周啟生更正道︰「1/4。」昨晚周啟生再發文，表示人人都有權講自己想講的事，「不畏強權，唔怕惡勢力，你夠膽嚟，我夠膽同你開拖！」

娛樂組