【Emily】辦大學聯校工作坊 平機會盼增預防性騷擾意識

【明報專訊】各大專院校暑假會陸續舉辦迎新活動，而過往都有過懷疑涉及性騷擾事件喺迎新活動發生。平機會噚日舉辦聯校探討校園性騷擾工作坊，與來自8間大學嘅40名學生及教職員，包括籌辦活動嘅學生領袖、宿舍導師和支援學生活動嘅教職員，透過講座、個案分享、分組討論、角色扮演等，提高佢哋預防性騷擾嘅意識。

針對學生領袖教職員

工作坊主要針對籌辦活動嘅學生領袖及經常接觸學生嘅教職員，因為佢哋籌辦活動或日常工作時，都較易目睹性騷擾事件或者會有受害人向佢哋求助，所以必須提高對性騷擾嘅認識和敏感度，學習如何處理，例如喺可行情况下阻止發生。

平機會行政總監（營運）朱崇文提醒，即使係笑話或普通活動，一旦帶有性意味，都有可能變成不受歡迎行徑，令人感到被冒犯、侮辱或威嚇，甚或構成違法嘅性騷擾行為。