【Emily】McGriddles熱賣 下周一起早餐限定

【明報專訊】麥當勞噚日喺facebook專頁話，上周六（27號）推出嘅兩款楓糖班戟漢堡「McGriddles」，搞到店內成日排長龍，有人話要等好耐先有包食。麥當勞話已賣出100萬個McGriddles，除咗多謝顧客熱情支持，仲話原本聽日先結束嘅首階段麥當勞App用戶優先試食活動提前結束，直至下周一（8月5日）重推，不過係早餐時段限定，屆時櫃枱、自助點餐機同麥當勞App都能買到。

麥記：已賣100萬個

麥當勞之前公布，日本先有嘅兩款McGriddles「楓糖班戟豬柳蛋漢堡」同「楓糖班戟豬柳漢堡」會於香港分兩階段供應，首階段原定上周六開始至聽日結束，麥當勞App用戶享優先試食福利，並同脆薯餅一齊全日供應，第二階段由8月1號凌晨4點開始，顧客可直接喺店舖選購。

大家想食McGriddles就要等到下周一做早鳥，因為早餐時段11點就結束。