【Emily】多咗港人感貧富懸殊嚴重 中大調查：五成人話入不敷支僅僅夠

【明報專訊】中文大學香港亞太研究所就貧富懸殊做調查，有10.2%受訪者話目前家庭收入唔足夠應付日常開支，較去年上升3個百分點；38.5%嘅人就回答收入僅僅足夠，較去年上升5.9個百分點。至於表示頗足夠或非常足夠者，分別有37.4%和11.5%，分別較去年下降6.7及0.2個百分點。

35%料懸殊加劇 增6百分點

研究所喺5至6月夜晚做電話調查，訪問咗超過700名18歲或以上市民。調查又發現，覺得本港貧富懸殊問題惡化緊嘅市民數目有上升趨勢。68.7%受訪者覺得香港現時貧富懸殊情况嚴重，比舊年多大概一成，34.6%市民估計未來5年貧富懸殊情况只會更嚴重，比去年多約6個百分點。

面對香港貧富懸殊情况，80.7%受訪者覺得政府應該做多啲工作解決問題，比舊年調查升約5個百分點。被問到同唔同意繳交更多稅款幫助貧窮者時，52.7%受訪者表示同意，較去年升4.3個百分點，35.6%嘅人不同意，亦較去年升1.1個百分點。