【Emily】理大師生訪盧旺達 助裝太陽能系統

【明報專訊】理工大學一眾師生上星期去咗非洲盧旺達，展開兩星期「服務學習項目」，理大校董會主席林大輝、校長滕錦光同副校長（學生及環球事務）楊立偉亦輕裝上陣，跟團走入當地山區村落。

理大前日喺facebook話，修讀電機及電子工程學系同電子計算學系「服務學習科目」嘅理大生，喺當地安裝超過400個太陽能發電系統，為窮困家庭解決基本用電問題。另外，修讀時裝及紡織學院「服務學習科目」嘅學生，就向村民傳授紡織藝術嘅專業知識同工藝。

根據校網資料，理大服務學習及領導才能發展處自2013年起統籌服務學習項目「Habitat Green in East Africa（東非綠色棲息地）」，校方話除新冠疫情期間，理大教職員及學生每年都會去盧旺達，運用學科知識服務當地人。