【Emily】民建聯調查：全港91水浸黑點 九龍城最多

【明報專訊】民建聯喺今年5至6月做調查，發現全港有91個有實際或潛在水浸風險嘅水浸黑點，其中以九龍城區數目最多，佔13個，大多涉及下雨時排水渠滿溢，甚至溢出馬路。該黨話會將黑點資料通報有關部門跟進，促請部門盡快處理，建議當局諮詢區議會，檢視同更新各區水浸黑點名單，又倡當局結合天文台預報系統，設立水浸預警通報系統。

促當局更新黑點名單　

民建聯經區議員及地區幹事於多區實地搜集後發現91個水浸黑點，話當中78個屬政府管理、13個屬私人管理，其中唔少屬領展和港鐵，主要涉及雨水積聚地面。九龍區黑點數量共45個，以九龍城最多，有13個，黃大仙亦有12個，包括去年受世紀暴雨導致嚴重水浸嘅黃大仙中心北館對出、黃大仙廟宇廣場對出百步梯；新界區有38個黑點，當中離島及西貢分別有10及9個；港島水浸黑點則有8個。

根據渠務署網站，本港目前4個水浸黑點分別是新田石湖圍、林村谷盆地、漆咸道南、薄扶林村。