【Emily】牛津邀全球校友 網上投票選校監

【明報專訊】「末代港督」彭定康2月宣布退任牛津大學校監，牛津校長Irene Tracey正邀請全球校友喺今年10月票選新校監，超過25萬個嚟自Convocation（畢業生議會）嘅舊生、教職員等可以喺8月18號之前登記，投票將會喺10月28號嗰個禮拜喺網上舉行。

牛津大學有喺網頁介紹校監嘅產生辦法：今次會採用「順位投票制」（alternative vote），投票人可為心水人選排序，若候選人少過10個，只會有一輪投票，排名較低者被淘汰，直至有一個候選人得票過半；若多過10個候選人，就會有兩輪投票。

牛津大學校監嘅職責主要係禮節性質，唔負責做行政，除咗主持校內重要儀式，仲會代表大學出席國家甚至國際嘅活動。牛津網頁顯示，為期10年嘅校監職位稍後先會上載網頁畀人申請，而今次有別於過往，唔使50個議會成員提名都可申請。