【Emily】堅尼地城海濱長廊+1 「友建樹」歡迎打卡

【明報專訊】堅尼地城向來係唔少人欣賞維港同日落海景嘅「打卡」熱點。噚日「加多近街海濱長廊」開幕，堅尼地城海濱增添新「打卡位」，民青局長麥美娟和眾多議員都有出席開幕禮，大會更舉辦嘉年華吸引市民同遊客。

嘉年華設置多個遊戲同美食攤位，仲有打卡免費派雪糕活動令雪糕車大排長龍。喺附近讀書嘅巴基斯坦籍學生Ali同越南籍學生Hoang話，喺學校聽聞有活動，特登嚟參與，覺得攤位好玩、景色又靚。

有讚可靜靜休息 有彈乏兒童設施

對比堅尼地城其他海濱長廊，沿另一側海濱長廊遊覽過嚟嘅內地遊客楊先生大讚話，新長廊就算今日有活動，都唔似堅尼地城其他海濱咁多遊客，可以靜靜地吹海風休息。而帶住囡囡嘅街坊李女士，就覺得其他海濱地方有兒童遊樂設施，比起呢度好。

麥美娟出席開幕禮嗰陣，向大家介紹海濱長廊嘅新打卡點社企吉祥物「友建樹」，話呢隻吉祥物鼓勵大家多關心身邊嘅人同弱勢群體，又話新建成嘅海濱長廊24小時開放，希望配合美食美景令香港「日夜都繽紛」。