【明報專訊】噚日各區落大雨，天文台朝早10點發出黃雨警告，到下午2點50分改發紅雨，外勤打工仔同放學嘅學生（圖）一樣狼狽。天文台話截至噚日下晝4點半，多區累積雨量超過50毫米，當中離島區雨量特別多，大嶼南更錄得超過200毫米雨量。受低壓槽影響，天文台預計今日部分地區雨勢較大，隨後兩三日亦有驟雨。
噚日暴雨下，大嶼山嶼南道有山泥傾瀉，土木工程拓展署透過facebook「土力場」話同日下晝完成清理，恢復全線行車。渠務署亦透過「下水水」喺facebook話噚日收到4宗水浸個案，全部喺大嶼山，4宗都喺一兩個鐘內搞掂咗。
