【Emily】英語閱讀計劃5歲 田二少向306個家庭講古

【明報專訊】實政圓桌立法會議員田北辰（田二少，台上者）推出嘅「田叔叔英語閱讀計劃」今年迎來5周年，佢噚日出席兒童書展時親自同306個家庭同小朋友講The Fox and the Hen古仔，仲有太太、阿女、孫仔撐場。田二少話，要捉得住小朋友嘅注意力唔容易，但好難得嚟撐場嘅孫仔都坐定定。佢又話好奇心係對小朋友發展最重要嘅元素，因為有好奇心就代表識得自學、發問同探究。

田二少仲準備咗一架1：1嘅珍寶巴士「田叔叔號」，車身同車廂內滿佈計劃介紹資料之外，新出故事書嘅4名小主角都成日穿梭喺唔同香港地標之間。田二少仲做埋車長，「載住」一班小主角畀人「打卡」。

田二少話，喺最近新出嘅故事書加咗好多香港著名景點同特色文化，例如旺角「金魚街」、張寶仔洞、大坑舞火龍，希望推廣香港嘅旅遊同文化。