【Emily】家庭醫學學院開發慢性病培訓課

【明報專訊】噚日係519「世界家庭醫生日」，香港家庭醫學學院話，隨着老年人口佔總人口比例上升，慢性病管理及長期照護嘅需求愈來愈大，因此與醫務衛生局地區康健中心合作，為患高血壓、糖尿病等慢性病嘅人提供全面護理，並與醫衛局開發針對慢性病嘅培訓課程，為參與慢性病共同護理先導計劃，以及其他執業醫生提供醫學知識同技能。

香港家庭醫學學院認為，有家庭醫生照顧嘅病人，可以更好管理身體狀况，減少住院服務需求，而本港有超過七成嘅基層醫療服務由私營機構提供，所以學院支持政府透過分擔公營機構工作量，從而改善基層醫療資源分配。

醫務衛生局長盧寵茂前日（18日）出席「世界家庭醫生日」研討會時表示，政府正在構建「醫健通+」平台，並由跨專業醫療人員支援家庭醫生，畀市民獲得適切基層醫療服務，希望更多醫生加入家庭醫生行列。