【Emily】周日城巴20A線免費搭氫巴電巴

【明報專訊】城巴噚日宣布將嚟緊嘅星期日（5日）定為「#MissionZero免費乘車日」，安排全港首架雙層氫能巴士（圖）及雙層電能巴士行駛20A彌敦道線（來往西九高鐵站至啟德郵輪碼頭），顧客可以免費乘搭，體驗零排放乘車，屆時城巴會加派前線人員，按顧客需求靈活調動班次。另外，原本只行駛20號窩打老道線及22M號線嘅氫能巴士，由噚日起已投入20A線服務。城巴話正積極推進「並行測試」計劃，將增購各5架量產型電能及氫能巴士，安排佢哋同現有柴油巴士一齊行駛唔同特性嘅路線，以測試表現。