【Emily】環團：香港今年4月歷來最熱

【明報專訊】綠色力量引述天文台數據，今年4月嘅平均最高氣溫達28.9℃，打破1994年錄得嘅27.5℃紀錄，同時成為1884年有紀錄以來最熱嘅4月。綠色力量總監鄭睦奇提醒政府部門，要為酷熱同暴雨在內嘅極端天氣提早準備。

鄭睦奇話，由於4月仍係春季，今年氣溫平均介乎23至29℃，未至於酷熱，所以市民容易忽略。佢分析，香港過去嘅4月平均氣溫係23℃，今年4月就去到26.4℃，平均增加咗3.4℃，根據按月平均氣溫上升速度，可見香港今年4月氣溫較過去23年出現異常急速嘅升幅，不容忽視。

食環為鄉郊清潔工裝太陽能休息站

另外，食環署今年喺鄉郊地方安裝咗60個太陽能休息站，畀清潔工人休息，內設冷風機、風扇、抽氣扇等，都係由太陽能供電。署方話將繼續物色更多合適地點設置方便員工休息嘅設施。