【Emily】581 582號4．28開辦 城巴兩新線推Loco單車轉乘優惠

【明報專訊】城巴早前投得西沙十四鄉新發展區嘅路線經營權，其中兩條區內線581及582號線於4月28日開辦。城巴噚日宣布，將會推出巴士單車轉乘優惠，但只限本地共享單車品牌Loco嘅單車。乘客乘搭城巴時，掃描車內顯示屏幕嘅特定二維碼（QR Code），單車新客戶就可得到兩張30分鐘嘅免費單車通行證，現有客戶都可以獲得最多50元折扣優惠，購買90日無限使用單車計劃。

581號線將每日接駁西沙、屯馬線烏溪沙站及馬鞍山市中心，全程約20分鐘，全程收費4.8元，乘客喺烏溪沙站或馬鞍山站轉乘城巴其他路線或港鐵，都可有轉乘優惠；而582號線就連接西沙、大學站、科學園及白石角，採取雙向分段收費，收費11.4元，十四鄉往來大學站9元。