【Emily】中大鍾志豪獲委任中醫藥發展專員

【明報專訊】李家超政府喺前年首份《施政報告》提出開設「中醫藥發展專員」一職，負責統籌中醫藥專業同政策發展。醫衛局噚日宣布經公開招聘後，委任中大醫學院賽馬會公共衛生及基層醫療學院副教授鍾志豪（圖）為中醫藥發展專員，下月20日起生效，任期3年。

本身係香港中醫藥管理委員會註冊中醫師嘅鍾志豪，曾任中醫中藥發展委員會同香港中醫藥管理委員會等諮詢組織嘅委員，並專注喺醫療服務、公共衛生同中西醫協作服務政策嘅跨學科研究。

醫衛局話，鍾志豪熟悉中醫藥發展同公共衛生政策，喺推廣中醫藥、中西醫協作臨牀研究，公共醫療同衛生服務研究等方面具備豐富經驗，指佢會帶領醫衛局中醫藥處與中醫藥界持份者緊密聯繫，共同構建《中醫藥發展藍圖》以勾畫未來發展願景同策略等。