【Emily】「童軍國家安全日」逾千成員參加

【明報專訊】4月15日係全民國家安全教育日，香港童軍總會率先響應，噚日搞咗個「童軍國家安全日」活動。童軍總會香港總監黎偉生話，「對國家盡責任」係童軍誓辭嘅核心部分之一，要奉行對維護國家安全嘅共同責任和義務，話童軍不但要對國家有全方位了解，更需要培養對國家嘅情懷，貢獻社會和國家。

安全日活動有逾千名童軍成員參加，大會設多個攤位遊戲，透過活動畀參加者了解國家安全20個重點領域嘅知識，大會亦安排講座，主題分別為「世界文化遺產」及「四川動物保護」，講解國家喺世界文化遺產及動物保育工作概况。

出席活動嘅政制及內地事務局長曾國衞致辭時話，今年係國家主席習近平提出總體國家安全觀10周年，下周一係全民國家安全教育日，指香港已完成《基本法》23立法嘅憲制責任和歷史使命，政府未來會加強推廣《憲法》、《基本法》及國安法例，等大家可以對「一國兩制」有更多認識。