【Emily】「立23條後要諗經濟」 梁美芬籲對世界開放

【明報專訊】1990年4月4日，全國人民代表大會正式通過香港特區《基本法》，相隔34年，立法會早前亦完成為基本法23條立法。基本法委員會委員、立法會議員梁美芬噚日喺facebook話，喺國家安全網絡建立之後，香港應該團結一致全力以赴發展，「香港應保持開放態度，對來自世界各地的人才給予廣闊的胸懷」。

梁美芬話當年通過基本法之後，有7年嘅過渡期，香港順利實現回歸祖國，仲話國家對點樣解決歷史遺留嘅主權爭議，樹立咗和平範例。佢話23條已立法，香港要深思點樣發展經濟。佢話雖然2019年之後香港經歷咗社會撕裂，?家正處於癒合期，認為香港應保持開放態度，對來自世界各地嘅人才給予廣闊胸懷；又認為入境政策需要與人才需求同勞動市場嘅需要相適應，香港應該擁有國際視野，從歷史高度看待問題，仲要以融入國家發展大局嘅視角，放眼全球，發揮香港嘅長處。