【Emily】網上三會名單英文版未整好

【明報專訊】政府日前公布新一屆地區三會（分區會、防火會、滅罪會）名單，合共有2999人，三會嘅名單可以喺民政事務總署網站睇到。Emily留意到，截至噚日，網站上只見委員名單嘅中文版本，英文版本仲未有。民政事務總署回覆查詢時解釋，18區嘅三會委員名單英文版本正在整理，將盡快上載至民政總署網站。

另外，Emily喺翻查名單時亦留意到，喺南區防火委員會嘅委員名單發現一名委員叫「Stephanie（鄧李璧莛女士）」，翻查資料應該係香港廣東社團總會第一執行主席鄧清河嘅新抱，而佢?家亦係保良局總理。

南區防火會名單見：「Stephanie（鄧李璧莛女士）」

至於點解委員名單會咁樣顯示，民政總署就話，名單顯示嘅係該名委員身分證明文件上嘅姓名，括號內同時顯示其中文別名鄧李璧莛，以資識別。