【Emily】藍 ╳ 橙 ╳ 粉紅 東九「花海」亮燈

【明報專訊】觀塘區議會之前提出喺東九文化中心外階梯設置嘅「LED花海」，被網民揶揄白花陣似「靈堂」，工作人員一度用帆布蓋住燈飾，之後就有工人將部分白色LED花換成粉紅色同橙色。事隔幾日後，LED花海如期喺噚晚亮燈（圖一），吸引唔少市民到現場「打卡」（圖二），現場所見，花海有粉紅色、橙色、藍色等，色彩都幾繽紛。

民青局長麥美娟日前提到有關工作受社會關注，而呢個打卡位本身未完工，喺市民提出意見、民政處吸納後就改良咗，佢形容過程係良性互動及有建設性嘅。