【Emily】楊潤雄去廣州 共同主持全運會籌備會

【明報專訊】國務院喺2021年8月公布第15屆全運會明年由廣東、香港和澳門承辦，本港屬首次參與。文化體育及旅遊局舊年成立全運會統籌辦，局長楊潤雄噚日去咗廣州，同當地體育局長崔劍主持第15屆全運會以及第12屆殘特奧會粵港聯絡會議。

楊潤雄話，此行目的係同廣東省政府就賽事籌備保持緊密聯繫、檢視進度，務求合力成功舉辦活動，深化香港與大灣區其他城市之間合作。佢仲去咗廣東奧林匹克體育中心考察，了解當地場館同附屬設施嘅提升工程，以及營運管理狀况，全運會統籌辦主任楊德強、副主任鄭青雲亦有隨行。

四年一度嘅全運會係國家最高水平同規模最大嘅綜合性運動會，而殘特奧會將緊接全運會結束後舉行，同由三地共同舉辦。