【Emily】法國藝術家雕塑字勾劃「香港印象」

【明報專訊】文體旅局將今個月定為「藝術三月」，貿發局、康文署等舉辦不同藝術活動外，私營機構都有類似活動，其中海港城邀請咗法國藝術家Camille Walala，喺海運大廈頂層嘅戶外觀景台「海運觀點」舉辦一個彩色公共藝術企劃，今日起至4月21日展出。展覽有三部分，其中設計師以外國遊客身分、藝術家角度勾劃佢眼中香港嘅輪廓，用高低錯落嘅雕塑字母砌出「HONG KONG」（圖），好似排列得密麻麻嘅高樓大廈。同期仲有設計師嘅首個戶外迷宮藝術裝置，佢嘅其他作品都會喺海港城美術館展出。