【Emily】M記新辦公室 目標幸福感UPUPUP

【明報專訊】如果辦公室有得任食新地雪糕同踩單車，會唔會令打工仔返工感到幸福啲呢？香港麥當勞用咗一年半時間，為員工打造有趣而快樂嘅工作環境，喺上月底先啟用嘅McHappy Office，員工除咗有得食住Affogato開會，腦閉塞嗰陣仲可以望住山景踩充電單車，為手機同自己充充電。

麥當勞行政總裁黎韋詩話，有開心嘅員工先有開心嘅顧客，為咗提升McFamily嘅職場幸福感，新office提供咗一個可以激發創意嘅協作空間，同一系列員工專屬體驗。例如茶水間設有新地機、梳打水機、McCafé咖啡機同製冰機，員工可隨時隨地品嘗咖啡同新地。

麥當勞又話，開放式設計嘅辦公室，增加咗唔少協作空間同會議室，仲放置逾百棵綠色植物同幾幅藝術畫作，為辦公室加添生氣。