【Emily】「維港渡影」展 試坐電船玩「嘩啦嘩啦」

【明報專訊】香港海事博物館主辦嘅船舶歷史展覽「維港渡影」，展期由今日開始至5月15號。展覽分為「港、城與人」、「過海」、「貨運」同「船蹤變遷」4部分，由19世紀中期至20世紀初，位於維港兩岸嘅繁榮舢舨貿易，到其後因貿易頻繁而興起嘅渡輪、電船，同埋駁艇、拖輪同躉船等嘅貨船，再到現代維港經常出沒嘅郵輪同貨櫃船等。

展品包括一系列嘅舊照片、畫作、歷史文件同模型，例如俗稱「嘩啦嘩啦」嘅木製電船模型同收費表、電船公司註冊證明，同埋1971年嘅水上的士計劃書。展覽亦設有一個按真實尺寸重建嘅舊電船售票亭同「嘩啦嘩啦之旅」遊戲，等參觀者可以試坐電船。

展覽嘅成人門票30元，長者、學生、兒童及殘疾人士半價，博物館一周7日都對外開放，但閉館前30分鐘就會停止售票，嚟緊博物館仲會舉辦相關講座同導賞團，詳情可留意博物館網頁。