【Emily】關愛共乘App升呢 站內導航擴至綠線

【明報專訊】港鐵「關愛共乘」手機應用程式（圖）前年11月推出，港鐵噚日公布上月將試用版嘅「站內導航」功能，由會展站擴展至整條觀塘線17個車站，惠及更多視障人士，計劃嚟緊兩三年內覆蓋整個重鐵網絡。

簡化資訊助視障者聽導航

港鐵話一直應用科技推動「智慧出行」，同時關愛社區，致力為乘客帶來更個人化、無縫及關愛共融出行體驗。今次「站內導航」功能提升仲包括簡化咗文字導航資訊，令視障人士可以專注聽聲音信標導航，同時新增「自動重新定位及尋找替代路線」功能。港鐵話會與唔同團體保持溝通傾聽意見，持續改進功能細節。

「關愛共乘」App亦喺舊年10月新增查閱車站升降機實時運作情况、無障礙設施功能，仲推出試用版「輪椅活動摺板預約服務」，輔助長者及有需要乘客自在出行。