【Emily】西貢民政處送紙牌遊戲 扮演DO攏民心

【明報專訊】西貢民政事務處噚日舉行新春酒會，出席者包括中聯辦代表、立法會議員、區議員等，每個嘉賓臨走前都獲派由西貢民政處贊助製作嘅「完善地區治理紙牌遊戲」，期望幫助玩家了解地區治理架構同職能。西貢民政事務處回覆話，紙牌遊戲共印製咗約3000盒，製作費用約3萬元，自去年第四季民政處等舉辦嘅活動免費派發。

需鬥快配對地區治理架構及事務

根據遊戲規章，玩家會扮演「民政事務專員」，各獲派8張「架構牌」，包括「分區委員會」、「關愛隊」、「政府部門」等，其中一人喺「事務牌」抽出一隻，上面寫咗各架構嘅其中一項職能，玩家要鬥快出牌，配對合適嘅「架構」同「事務」。

紙牌上亦印有「民心」數量，寓意用好地區治理架構處理地區事務，最先集齊12個「民心」嘅玩家喊出「齊心」就結束呢個回合；3個回合後獲最多「民心」者勝出。

政府舊年落實完善地區治理方案，遊戲規章提到相信由民政事務專員擔任區議會主席，可以更好統籌區議會、三會同關愛隊，產生協同效應，更有效服務市民。