【Emily】經民聯花車團拜 財神派食得嘅利市

【明報專訊】噚日係年初六，經民聯舉行咗花車巡遊團拜活動，身兼立法會主席嘅經民聯榮譽主席梁君彥（前右三）、主席盧偉國（前左三）等十幾個立法會議員、區議員同埋成員齊齊坐上花車，去勻全港各區同市民拜年，除咗祝市民「六六大順」、出入平安，又大派朱古力金幣利市。盧偉國同南區區議員趙式浩（前右一）仲化身財神，向市民派利市，吸引咗唔少市民要求合照。嚟緊政府會公布《財政預算案》，盧偉國話已經向政府反映意見，希望政府到時可以吸納民意，公布樓市「撤辣」、下調股市印花稅等措施。