湯文亮：新春十大屋苑零成交 絕不出奇

【明報專訊】有人話，今次香港樓市大鑊了，農曆新年期間，十大屋苑竟然零成交，其實有什麼好大驚小怪，在農曆新年期間，有超過100萬港人離開香港，當中包括業主、買家，甚至物業代理，一單物業成交就需要這三類人，唔齊腳，生意很難做得成。况且物業代理知道，唔使幾耐，就會有大量新樓盤供應，不但佣高糧準，又唔需要仔細介紹，一切有地產商職員代勞，代理又點會在農曆新年期間浪費精力，介紹那些二手樓盤，不如養精蓄銳，留番啲精力推銷地產商新樓盤好過。