【Emily】新春金多寶獨中料過億 29號最旺

【明報專訊】今日隨時誕生歷來六合彩頭獎最高派彩得主！六合彩新春金多寶今晚9點半攪珠，將有8500萬元金多寶，若果10元一注中頭獎，估計派彩高達1.18億元，將會係六合彩推出以來最高紀錄。翻查馬會資料，唔計2021和2022年無攪珠，由2017年到舊年新春金多寶都有人中頭獎，而過去36次新春金多寶攪珠，最旺號碼係29。

超級巨獎當前，唔少人提早去投注站排隊，或者透過電話投注及網上投注買六合彩，截至噚晚8點，投注額已累積超過1.38億元，而今晚截止投注時間係9點15分。

新春金多寶自1986年來舉行過36次，29號攪出過10次，差唔多每3次攪珠出現一次；其次係攪出9次嘅3號同11號。睇番對上兩次龍年新春金多寶攪珠，咁啱兩次都見到29號出現，唔知呢個幸運號碼今次會否「三龍（年）獻（金多）寶」？