【Emily】英總領館拜早年 重演獅頭點睛

【明報專訊】農曆新年將至，英國駐港澳總領事館噚日亦入鄉隨俗慶祝，喺館前舞獅，一度吸引遊人圍觀拍攝。今次總領事館係重演番1997年回歸前安妮公主訪港，主持?家法院道總領事館開幕時嘅舞獅情景，活動有當年嘅舞獅點睛、採青同安排柱樁，之後總領事館職員又試玩獅頭。

英國駐港澳副總領事樂秀慧（Sarah Robinson）（左一）話，農曆新年係畀機會大家聚首一堂，於是同親友同事慶祝香港傳統。佢又以半鹹半淡嘅廣東話拜早年：「所有人心想事成、龍年大吉。」