【Emily】「興」當選民建聯2023年度漢字

【明報專訊】民建聯噚日公布2023年嘅「香港年度漢字」，興、運、選、簡、民等10個候選漢字中，「興」字以1604票當選年度漢字。民記舉辦嘅「香港年度漢字評選」啱啱過咗10周年，評選由各界人士組成嘅評審委員會揀選候選漢字，再公開投選。今次評選有4612人參與投票，民建聯話當選嘅「興」字，釋義係指「興旺，蓬勃發展起來」。

曾鈺成：振經濟需合力

民建聯創會主席曾鈺成係評選結果發布會上即席揮毫寫咗「興」字，話由治及興嘅「興」字以壓倒性票數勝出，係反映市民去年嘅願望；又解構「興」由「同」字以及兩側嘅「?」字所組成，「?」字意思係一個好重嘅石器具，結合「興」字下方部分有「兩隻手」嘅篆書結構，係有同心合力一齊抬起來之意。曾鈺成補充話，要振興香港經濟唔可以單靠少數人力量，要一齊合力先可以收效。

投選結果排第二同第三嘅係「治」同「復」字，民建聯副秘書長葉文斌話，「復」字有恢復同返回嘅意思，認為與社會復常有關；「治」字有管理及治理之意，形容市民選出嘅漢字好貼合香港情况。