【Emily】桃花大年初八起可回收 設55收集點

【明報專訊】唔少人會買桃花應節，環保署推行桃花回收計劃，收集嘅桃花會同其他回收植物，送去屯門曾嘴Y．PARK[林．區]一齊轉化成不同再生產品，方便升級再造成裝飾和藝術品等。

環保署話，市民可以喺2月17日（大年初八）至25日，將桃花送去Y．PARK[林．區]及54個地區收集站（包括「綠在區區」11個回收環保站）。至於工商機構，亦可以喺2月26日至3月2日將桃花直接送往Y．PARK[林．區]。

回收前須拆除揮春

環保署提醒，回收計劃只限於桃花，呼籲大家要乾淨回收，桃花送往回收前須拆除揮春及膠帶等裝飾品，以免影響回收再造過程。署方亦鼓勵市民將其他小型植物（如年桔）重新栽種；裝飾物則可貯存再用，以實踐惜物減廢。回收地點及開放時間，詳見網址（https://shorturl.at/opILU）。