【Emily】新春匯演 港藝術體操隊首登場 逾30人演繹「巨龍逐珠」

【明報專訊】今年復辦嘅「新春國際匯演之夜」喺大年初一（周六）上演，當晚除咗有花車巡遊，仲有29支表演隊伍，其中一條紅色金色嘅「巨龍」，將由30幾名少女透過舞動嚟展示。佢哋來自香港藝術體操專業學院，亦係首次有本地藝術體操團體參與盛事。

佢哋嘅表演糅合體操元素，運用圈、球和棒等，組成好似龍嘅身軀，上演一幕「巨龍追逐明珠」。領軍嘅香港藝術體操專業學院院長楊慧玲話，非常榮幸可以取得表演席位，無論學員定係佢都好重視呢場盛事，不斷加緊練習同優化藝術體操表演套路，務求更好咁呈現藝術體操嘅韻律美。

演出成員之一、15歲嘅李庭萱話，過往數年較少機會出外比賽，參與巡遊盛事會面對街頭兩旁數以萬計觀眾，機會難能可貴。佢仲話今次演出有助佢哋提升狀態，加強出外比賽時嘅抗壓力，準備將來應付更多比賽同表演。