【Emily】何永賢話開心減廢對港重要

【明報專訊】房屋局長何永賢噚日（28日）出席「長者希望日2024」。對於8月實施嘅垃圾徵費，佢話適應期間會喺公屋免費派發指定袋，仲話開心減廢對香港好重要，學校會教小朋友用指定袋，大家又開始學，再去教朋友，「玩吓玩吓大家可能覺得係一個幾好玩嘅遊戲」。

何永賢跟義工隊去蘇屋邨探訪一名年過80歲嘅婆婆，送咗福袋畀佢，婆婆就回贈一條手織頸巾。「長者希望日2024」由寰宇希望舉辦，超過2000名義工分成幾百個小隊，向全港近千名65歲以上、領取綜援嘅獨居或雙老長者送福袋。