【Emily】《e香港街》互動地圖展北都新市鎮變遷

【明報專訊】地政總署編製嘅2024年《e香港街》電子地圖，噚日起開放免費瀏覽同下載。地政總署話今年版本以北部都會區嘅新市鎮發展為題，涵蓋天水圍、元朗同上水3個新市鎮，市民可以喺全新嘅互動故事地圖，了解上述新市鎮過去數十年嘅地貌、人口同發展變化，以及周邊地區未來發展。

《e香港街》載有119幅分為A3及A4尺寸嘅本港地圖、街道名錄、地名錄以及屋苑同大廈索引。地圖以GeoPDF為檔案格式，下載後可於桌上電腦及流動裝置應用程式上離線使用，並可配合衛星定位功能，地圖及索引都會添加連結按鈕，方便用家喺桌上電腦瀏覽。

地政總署上年起停止每年出版紙本嘅《香港街》地圖，不過特定版本嘅紙本地圖集或相片集會按需要不定時出版。