【明報專訊】康文署噚日推出博物館通行證「龍年別注版」慶祝農曆新年，分別有兩款設計，包括充滿傳統氣息、嚟自博物館館藏「紅彩雙火龍碟」嘅圖案，同埋換上新年服飾嘅康文署吉祥物「活力仔」及「思文喵」。
市民即日起可以喺7間康文署指定博物館，即係香港藝術館、歷史博物館、文化博物館、科學館、太空館、孫中山紀念館同海防博物館，購買別注版通行證，數量有限，售完即止。
博物館通行證由簽發日期起12個月內有效，持證者可以喺有效期內無限次參觀康文署轄下博物館嘅展覽，亦享有購物等優惠。家庭通行證全年票價係100元，個人通行證全年票價為50元，優惠通行證（只適用於學生、殘疾人士及長者）嘅全年票價就25元。
