【Emily】地貧患者組隊慈善跑 「完成賽事是成就」

【明報專訊】渣馬亦有慈善籌款元素，地中海貧血兒童基金今年首度組隊，9名參加慈善跑友隊嘅重型地貧患者順利完成10公里賽事。

患重型地貧嘅小敏，自幼因為需要頻繁輸血、覆診，身體狀態有時變差，要經常請假，加上長時間嘅除鐵治療，無法參與課外活動，但佢獲知有機會參加渣馬賽事，興奮得嚟又要小心準備。小敏話以為無機會再跑步，因始終要顧及個病，「步行多於跑步，也預計不會跑第二次」。佢為咗噚日活動，近期除咗喺屋企踩單車同跑步機跑行3小時鍛煉，仲安排定期輸血提早喺賽前完成，因為臨近輸血日子體能急降為「糧尾」，「糧尾」會渴睡疲累。小敏賽後滿足咁話，「完成賽事是成就，會回家睡個好覺。」

12歲參賽者希希喺胎兒期22周時確診地貧，病情反覆，歷多次手術，長時間留院，幸9月新學期已康復重返校園，成績優異，佢矢志成為兒科醫生，貢獻社會。

香港失明人協進會成員亦藉賽跑籌款，視障者同佢哋嘅領跑員一齊享受跑步樂趣，協會仲喺銅鑼灣運動場設置攤位義賣點字明信片。