【Emily】港島線告別首代列車 月底起換國產

【明報專訊】繼觀塘線之後，港鐵噚日公布，港島線今個月28日起都會換列車，換成中國製青島四方列車Q-Train，陸續取代現役嘅第一代列車，亦即係英國製嘅都城嘉慕（Metro Cammell）列車M-Train。

觀塘線已換 之後荃灣將軍澳線

港鐵話，今次換車項目喺2015年批出，以當時價60億元買咗93列市區線新列車，並喺2022年11月底先引入觀塘線，?家已經完成更換，觀塘線至今有13列新車。其實港鐵舊年已經喺港島線測試新列車，獲政府確認運作安全，未來會陸續換埋荃灣線同將軍澳線嘅列車。

港鐵又話，新列車喺設計上有好多提升，包括更寬闊嘅車廂空間、更多扶手裝置、車內設有動態路線圖顯示、車廂採用LED照明，另外列車配備「智能伺服器」，可實時遙距監察列車狀况。