【明報專訊】保險界立法會議員陳健波(波哥)今年接任內務委員會副主席,噚日佢喺立法會續會首次擔任「代主席」主持大會,自言順利完成任務。佢主持會議期間,商界(三)議員嚴剛未輪到自己發言就企咗起身,要波哥提醒先意識到擺烏龍。
波哥今年出任內會副主席,噚日喺立法會辯論「加強粵港澳大灣區共同發展」無約束力議員議案時擔任「代主席」。Emily見波哥主持會議駕輕就熟,佢亦都話自己無「甩轆」,順利完成首次任務。
不過噚日就有議員「擺烏龍」,民建聯顏汶羽發言時,原本排喺佢後面嘅嚴剛突然起身發言,要波哥提醒發言順序,嚴剛先坐番低。波哥同Emily講笑話,唔知係咪一眾議員見到佢首次主持會議,仲緊張過佢。