【Emily】劏房戶讚社區客廳 最愛洗衣機

【明報專訊】以政商民合作方式為劏房戶提供額外生活空間嘅首個「社區客廳」，上月喺深水埗推出，同囝囝住喺百幾呎劏房嘅梁女士話，「客廳」令佢嘅生活隨即有顯著改善，除咗可減輕照顧囝囝嘅壓力，亦可紓緩家務重擔，當中最鍾意嘅設施係自助洗衣服務。佢解釋，因為劏房細，擺唔到洗衣機，平時要用手洗衫，而自助洗衣設施能夠洗衣同乾衣，價錢亦較市面平。

減湊仔壓力 擴社交圈子

梁女士話，平日接完阿仔放學就會去社區客廳，因為客廳會安排大專生教囝囝做功課，仲有人陪佢玩；客廳帶畀佢最大嘅改變係社交圈子擴闊，佢喺剛過去嘅冬至同其他家庭一齊整湯圓。佢又大讚客廳嘅備餐間空間夠大，話喺屋企煮食要將物件不斷搬動騰出空間，?家可以製作一啲步驟較繁複嘅菜式。

助理社署署長（青年及感化服務）陳麗珠話，政府目標係讓不少於70%服務使用者，使用社區客廳設施後感到生活空間、社區歸屬感同人際網絡得到提升，未來會喺劏房戶較集中嘅地區設立更多社區客廳。