【Emily】新生嬰獎勵金收近4700申請 最快下月底派

【明報專訊】政府近年出招鼓勵生育，包括舊年10月25日起向每名初生嬰兒嘅父母派發2萬元新生嬰兒獎勵金。副政務司長卓永興噚日喺facebook透露，截至本月8日收到4682宗合資格申請，周五就會到立法會財委會出席有關撥款討論，如果順利獲得撥款，呢封大利市就會喺2月下旬到手。

卓永興話希望喺新生嬰兒獎勵金同龍年效應下，香港於新一年能夠迎來更多小生命，為家庭同社會增添喜氣同動力。佢又透露，噚日早上去咗瑪麗醫院婦產科門診，同兩名年輕準媽媽傾偈，其中懷孕約5個月嘅梁太懷第一胎，話會用新生嬰兒獎勵金添置嬰兒用品。

另一名準媽媽係瑪麗醫院婦產科吳醫生，同樣係第一胎，吳醫生就認為新生嬰兒獎勵金係唔錯嘅政府支持同獎勵，會用嚟買輔助餵哺母乳嘅用品。